Aranzazu Calleja musikagileak jasoko du Ohorezko FANT Saria | Culture | Naiz

Welcome to Subscriber News You have accessed a news of payment and have consumed a click of your personal account. MAR. 12 2026 - 13:41h NAIZ Aranzazu Calleja musikagileak jasoko du Ohorezko FANT Saria Aranzazu Calleja musikagileak jasoko du Bilboko FANT jaialdiko ohorezko saria, «gaur egungo musika zinematografikoaren sortzaile nabarmenetakoa» izateagatik. Besteren artean ‘El hoyo’, ‘Cinco Lobitos’, ‘Marco’, ‘Irati' eta ‘Akelarre’ filmeei (Goya saria jaso zuen) jarri die musika. Aranzazu Calleja musikagilea. (BILBOKO UDALA) Bilboko Udalak antolatzen duen FANT Zinema Fantastikoaren Jaialdiak Aranzazu Calleja musikagile bilbotarrari emango dio 32. edizioko Ohorezko FANT Saria, tokiko talentua ikusarazteko eta laguntzeko apustuan, «gaur egungo musika zinematografikoaren sortzaile nabarmenetakoa» izateagatik, antolakuntzatik jakinarazi dutenez. FANT jaialdia maiatzaren 8tik 16ra egingo da. Callejak ibilbide luzea du zinemarako musikagintzan, besteren artean musika jarri die ‘El hoyo’, ‘Cinco Lobitos’, ‘Marco’, ‘Irati' eta ‘Akelarre’ filmeei; azken lan horrengatik jatorrizko musika onenaren Goya eta Platino sariak jaso zituen Maite Arroitajauregirekin batera. Bere proiektu berrienetan musika jarri die Borja Cobeagaren ‘Los aitas’, Jose Mari Goenaga eta Aitor Arregiren ‘Maspalomas’ (Goya eta Feroz sarietarako izendatua jatorrizko musika onenaren atalean) eta Paul Urkijo Alijoren ‘Gaua’ filmei. Egun, Norma Vila zuzendari bilbotarraren ‘Salitre’ lehen filmaren soinu bandan murgilduta dago. ‘La casa del Árbol’, irekitzeko Bestalde, antolakuntzak jakinarazi du Luis Calderonek zuzendutako ‘La Casa en el Árbol’ filmaren proiekzioarekin hasiko dela 32. FANT, maiatzaren 8an. Bizkaiko hainbat lekutan filmatu da lana Bilbao Bizkaia Film Commission erakundearen laguntzarekin, eta «ikusmin handia» sortu du, ‘Fotogramas’ aldizkariak 2026ko ekoizpen esperotakoenen artean aukeratu ondoren. «Nortasun bisual eta emozional nabarmena» duen slasher generoko egile filma da, eta Sandra Escacena, Claudio Portalo, Kandido Uranga, Mala Rodriguez, Apolonia Lapiedra, Ai-xing Cobos, Asier Hernandez eta Inge Ugarte ditu protagonista. Bizkaia Desaparecido el exalcalde de Ispaster en la costa de Mendexa Gipuzkoa Fallece el corredor de montaña legazpiarra Jokin Uribetxeberria en el monte Korosti Basque Country «Que alguien se apunte y recurra, es gratis»; sabotaje euskaráfobo a una OPE de Errenteria Basque Country UPN propone derogar la Transitoria Cuarta porque «el independentismo está creciendo» Basque Country Incautados 27 kilos de angula viva en la operación policial llevada a cabo en Usurbil Hi, Disconnect Naiz Contact Contact arreta@naiz.eus (+34) 943 50 60 10 Mediabask Contact Contact abonnements@mediabask.eus (+33) 09 75 12 97 02 Enter Enter your details to login Login with Google Forgot your password? Register