Motozikletaren atzeko eserlekuan | Culture | GARA Euskal Herriko egunkaria

Welcome to Subscriber News You have accessed a news of payment and have consumed a click of your personal account. MAR. 08 2026 Gaizka IZAGIRRE HERNANI PILLION Motozikletaren atzeko eserlekuan Azken boladan ingelesezko bi termino oso modan jarri dira: «feel good movie» eta «coming of age». Bi azpigenero horiek film berean uztartzea ez da bereziki harrigarria; ezohikoagoa da, ordea, hori guztia BDSM praktikak erdigunean kokatzen dituen narrazio batean egitea. “Pillion” lurralde horretan murgiltzen da, eta apustua arriskutsua bazen ere, emaitza arrakastatsua da. Harry Lightonek bi gizonezkoren arteko harremanaren bidez -Ray eta Colin- sexu mendekotasunaren paisaietan barrena bidaiatzen du, begirada ironiko eta ausart batez. Filmak BDSM dinamikek zeharkatutako harremanak arakatzen ditu, eta zalantzan jartzen du dominazio adostuaren eta dominazio emozionalaren arteko muga. Maitasunaren mugez eta harreman baten barruko rolen zaurgarritasunaz lotsarik gabe hitz egiten du, epairik egin gabe. Filmaren izenburuan bertan aurki daiteke metafora nagusia: pillion hitzak motozikleta baten atzeko eserlekuari egiten dio erreferentzia, eta leku hori hartzeak konfiantza, mendekotasuna eta kontrolaren lagapen zuzena dakartza berekin. Bestalde, azpimarratzekoa da pertsonaien homosexualitatea ez dela narrazioaren gatazkaren iturburu. Protagonistaren ingurunean guztiz normalizatua eta integratua ageri da; ez da azalpenik behar, ezta justifikaziorik ere. Filmaren interes nagusia ez dago identitatean bertan; aitzitik, harreman jakin batzuk, akordio zehatz eta adostuen bidez, nola eraiki eta mantentzen diren da ardatza. Epaiketa moralak saihesten dituen kontakizun berezia eta ausarta eraiki du Lightonek; gizonezkoen intimitateari buruzko esperientzia konplexua, era, tarteka, deserosoa. Topics of the day «La decisión de restaurar en el trono a Reza Pahlevi es de Israel» Topics of the day «Unea da kulturgintzan sortutako kontraesanei aterabide bat emateko» Editoriala Es sencillo: siempre queremos que gane nuestro equipo, y en todo caso un vasco Topics of the day Oyarzabal vuelve a tumbar al Athletic de penalti y lleva a la Real a Sevilla Topics of the day 50 años después Gasteiz no olvida a las víctimas y señala a los verdugos Hi, Disconnect Naiz Contact Contact arreta@naiz.eus (+34) 943 50 60 10 Mediabask Contact Contact abonnements@mediabask.eus (+33) 09 75 12 97 02 Enter Enter your details to login Login with Google Forgot your password? Register